KUMPULAN PUISI MADHURA
Ghuru
Ghulagghu rukabhuru
Lajjhu mangkat dari romana
Nojjhu da’ sakola’anna
Bannyak mored adantos
Ghuru………………………
Ikhlas aghi ilmuna
Dapa’ aghi da’ ka moreddha
Ghuru………………………
Ghulagghu rutaburu
Nompa’ sapeda motorra
Padapa’ da’ sakola’anna
Tak usa perseperran ………
Da’emmah………
Panyettong tojjhu’anna
Kalaban ikhlas…………
Madapa’ ilmuna
Karena ngarep ridlona………
Allah Ta’ala se Maha Kobasa
Sholat
Pabannyak asokkor jha’ lat matellat
Ibadah da’ Guste Allah e sabbhan
sa’at
Lema baktona ajjha’ patellat
Dhuhur asahar, maghrib isya’na
Ajjha’ koloppae ban jha’ tabhabhas sholat sobbhuna
Ban tambai kalaban sholat sunnatta
Sholat tahajjud ban sholat dhuhana
Insya Allah mulja dalem odi’na
Ban epalebbhur rajekkena
Sareng Allah Ta’ala se Maha Araksa
Kor……. pa ikhlas sadhajana
Coma ngarep ridlona
Allah Ta’ala se Maha Kobasa
Sango
Tak usa posang bila abhungo
Sango……………………………………
Sango odhi’ ban ka angghuy sango matena
Dari sadaja ummat se bada e dhunnya
Coma settong sango odi’ ban sango patena
Taqwa da’ Allah se Maha Kobasa
Sango se paleng otama
Sango………………….
Bisa’ah sango jareya………?
Masok da’ raghana sadaja ummat
Se bada e bhumi jhagad
Sango dunnya…………………..
kaangghuy
akherat
Sango………….taqwa……….
FAINNA KHOIROZ ZAADIT TAQWA……..
Sabaghus-bhaghussa sango…………
Iya areya……..
TAQWA……..
Jhaman Akher
Tak usa man nyaman ban tak usa kapekker
Jhaman akher……………
Maste tebhana………ban maste badana
Kalaban baktona………..
Bila tebha baktona
Pajheg-jheg ban pasettong aqidana
Ban keyakinnah
Jha’ Guste Allah Maha settong
Ban Maha Kobasa tor Maha Bellas da’ kabulana
Nyo’on jhau da’ Guste Allah dari sadhaja fitnah dajjal
Fitnah kobhur ban fitnah dunnya
Kowat tor kokoh dalem aghamana
Islam ban Imanna
Pa sekken tor pajheg-jheg
Sampe’ nyaba dapa’ ka dadana
Jha’ sampe’ aghunjeg Iman ban Islamma
Dari odi’ sampe’ matena
LAA TAMUUUNNA ILLA WA ANTUM MUSLIMUUN
Makmur
Bilā andi’ roma bān somur
Tak usa ngakan se mak-lemmak
Bān tak usa ngakan cangkaro’ jhemmur
Makmur……………….
Tak usa alamak……………tak usa ajhemmur
Bila lēbat pokol lēmak……….
Arē bhakal metto dari tēmor
Makmur………………..
Tak se kemmah tak sē omur
Towa ngoda pada lēbur
Bilā dunnya la padā lebbhur
Sampe’ loppa da’ alam kobhur
Makmur………………..
Bilā odi’na dhika la makmur
Jha’ sampe’ loppa da’ alam kobhur
Pamole’anna dhika sādajā
Dāri alam dhunnya
Nojjhu alam se salanjhānga
Iyā alam paghi’
Alam akhirat
Pangangghuy
Pa apa’a se eangghuy dalem odi’na manussa
Iya akhlaq ban tata kramana
Pa becce’ pabhaghus dalem sa arena
Ka se towa ka se ngoda
Oreng towa ban sa bhala
Bhala jhau ban bhala tatanggha
Akhlaq becce’ ban akhlaq bhaghussa
Angghuy aghi sabbhan arena
Ajjha’ mile oreng…….
Ajjha’ mila pangkatta…….
Akhlaq becce’ akhlaq bhaghus angghuyya
Angghuy aghi sabbhan arena
Sopaja senneng……….dalem odi’na
Sopaja salamet dalem tengkana
Sopaja bhunga dunnya tor akheratta
